Lacón con Petelo

A Cañiza recrea os tempos da postguerra e despide o inverno coas IX Xornadas Gastronómicas do Lacón con Petelo.

Por GC Tendencias | A Cañiza | 15/03/2017

O 18 e 19 de marzo, A Cañiza volverá ás décadas dos 20 e dos 40 para ofrecer o mellor daqueles tempos recuperando, entre outras cousas, a receita do lacón con petelo, un dos alimentos que fixeron posible a supervivencia dos cañicenses nos duros tempos da postguerra española. Un prato forte, sobrio e cheo de sabor que durante a fin de semana se poderá degustar en forma de tapa na gran carpa que o concello instalará na Praza Maior da Cañiza.

O petelo é un produto que se obtén de amasar a fariña de millo na auga do caldo. Unha vez feita a masa elabórase o petelo que é unha peza redonda apelmazada que se mete no caldo, sen ningún elemento fermentador, para que coza ao mesmo tempo e así absorba todos os sabores dos ingredientes do cocido que é o que o fai especialmente saboroso. Os cañicenses, grazas á abundancia de millo nestas terras, empregaron este elaborado para substituír a outros alimentos. Contan os vell@s que antigamente co que sobraba do mediodía aproveitábase pola noite para cear pasando o petelo pola tixola, cociñándoo coa graxa de fritir os chourizos e os ovos.

Os encargados de cociñar e servir este prato son os membros da senlleira Asociación Furafollas de Oroso, que tirando de saber e tradición farán gozar aos asistentes con este apetitoso aperitivo ao prezo de 3 € e con agasallo do prato de cerámica incluído. E se quedan con ganas de máis os restaurantes da localidade ofrecerán lacón con petelo nos seus menús.

Na carpa ambientada na postguerra estarán instalados unha cociñe e comedor da época pero tamén haberá unha escola, carros, bancos corridos e diferentes artesáns que representarán os oficios. Artesáns da cestería que terán unha exposición e farán obradoiros de 17.00 a 20.00 h. da tarde os dous días, artesáns do coiro o sábado e artesáns do pan e a bica o domingo; en ambos casos farán tamén obradoiros en horario de 17.00 a 20.00 h.

O prestixioso historiador Maximiliano Fernández, propietario da Casa Museo Pazo da Cruz, ademais de exhibir pezas para a ocasión dará unhas clases maxistrais o domingo. Pola mañá, dende a escola de época, instruirá sobre a historia das chaves, os pequenos instrumentos musicais e os denarios romanos, e ás 16.30 h. no Museo do Pan, dará unha clase mestra sobre a historia do pan, os fornos, muíños e cereais. 

O sábado a partires das 14.00 h. terá lugar o "IX Rali do Xamón" cunha xuntanza de vehículos históricos e ás 19.00 h. o prestixioso pintor e escultor cañicense Diego de Giráldez recibirá o Título de "Fillo Predilecto de A Cañiza" da man do Alcalde Miguel Domínguez no Salón de Plenos.

A ambientación musical, tamén de época, correrá a cargo dos grupos tradicionais da zona, Os Furafollas de Oroso, Santa Cristina de Valeixe e o Grupo Folck Os do Cruceiro. O fin de festa o domingo pola noite correrá a cargo do grupo Ronco@Fol de Ponteareas e haberá chocolatada e biscoitos para todos os presentes

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

1 comentario
1

CeNToLiNHo

O petelo ven sendo o que na zona d Carnota, Mazaricos... chamamos bolo de pote


Obradoiros artesáns

Lacón Petelo

Estampa popular