Iván Ferreiro: “A xente está máis pendente da pantalla do teléfono que de gozar os concertos”

Música

O cantante vigués confirma que non actuará este verán en Galicia tras rematar esta semana o seu novo traballo discográfico, que sairá en...

Queres expoñer no espazo Anexo do MARCO?

Imaxe

O Museo de Arte Contemporánea de Vigo lanza unha convocatoria aberta para a programación do Anexo 2017. O proxecto gañador disporá dun orzamento máximo de 18.000€.

Sexo oral? Si, pero sempre de xeito seguro

Corpo

Unha das grandes dúbidas a pé de rúa sobre as enfermidades de transmisión sexual é se o sexo oral é seguro. A opinión de consenso entre os médicos é que ten certo risco, polo que cómpre protexerse, aída que é moito menos proclive a ser foco de...

Fotógrafos galegos convertidos en peregrinos retratan o Camiño de Santiago

Imaxe

A exposición “Via Iacobitana” percorrerá diversas cidades de Galicia, en concreto Santiago de Compostela, Pontevedra, Ribadeo, Fene, Pontedeume, Valdoviño e Ourense para amosar o Camiño desde...

As festas de Monforte xa teñen cartel

Imaxe

A deseñadora Edith Nieves, da Pobra do Brollón, gañadora do concurso de deseño de carteis das Festas Patronais. GC faille unha pequena entrevista.

Monforte presume de produtos autóctonos

Fuxidas

A cidade do Cabe acolle esta fin de semana un encontro gastronómico no que se poderán degustar e mercar produtos autóctonos da comarca de Lemos e do sur de Lugo.

A deseñadora galega Sheila Pazos, na final do International Talent Support

Moda

Seleccionada na categoría de traballos artísticos deste certame, presentará en Trieste unha peza inspirada na colección coa que gañou a última edición de Debut.

O período prolífico de Sargadelos

Imaxe

A Real Fábrica de Sargadelos é, entre 1845 e 1862, un período prolífico de creatividade artística. Dende as vaixelas ata as xerras de xardín, cada obra representa as diferentes facetas do gusto e habilidade da fábrica galega.

Xerardo Agrafoxo asinando exemplares dun dos seus libros / Galaxia

Canto queda de apoio á revolución na Cuba actual?

Letras

Agrafoxo aborda na súa quinta novela a situación da revolución cubana a través dunha amena crónica dunha viaxe de punta a punta da Illa.

Cartel da Festa da Istoria de Ribadavia 2016

A Festa da Historia bota a andar

Axenda

Presentado aos medios o cartel gañador do concurso para a 28ª edición da “Festa da Historia” de Ribadavia.

Erin Moure / galaxia

Unha canadense que traduciu a Rosalía, investida honoris causa en Vigo

Letras

A poeta e tradutora canadense de ascendencia galega Erin Moure será investida doutora honoris causa pola Universidade de Vigo este mércores ás 12 horas.

Imelda May / Carlos Delgado wikimedia

O rockabilly de Imelda May en Ferrol

Música

Un das principais voces do rock and roll máis clásico actúa este venres no Teatro Jove de Ferrol.

Carrero Bianco nunha imaxe do seu bandcamp

Escoita o novo de Carrero Bianco, Exército Celeste

Música

Este sábado hai concerto con tres das bandas de maior proxección nos últimos anos do panorama musical pop/rock en Ferrolterra. Bang 74 (R'n'r/Powerpop), Skyhooks (Basket Roll Band) e Carrero Bianco (Tecnopop) actuan no Teatro Jofre. Os Carrero lanzan o seu terceiro traballo, que podes escoitar aquí.

O principal atractivo da velada é a presentación do "Exército Celeste" (2016), novo disco de Carrero Bianco. A banda ferrolá teima neste o seu terceiro traballo discográfico na súa aposta pola música electrónica con letras chea de retranca. Coma se Kraftwerk saltaran a pista de baile aparcando a frialdade alemana dispostos a rirse da modernez. O disco completo pódese escoitar aquí.
<a data-cke-saved-href="http://carrerobianco.bandcamp.com/album/ej-rcito-celeste" href="http://carrerobianco.bandcamp.com/album/ej-rcito-celeste">Ejército Celeste by Carrero Bianco</a>

Nenas cociñando /Afundacion

Cursos de cociña para nenos en Ourense

Na mesa

Afundación continúa coa súa oferta de cursos de cociña infantil, nesta ocasión dirixidos a nenas e nenos de entre 6 e 11 anos.

«Xeados e bebidas de verán» e «Imos de picnic!» serán as dúas actividades propostas que terán lugar os días 12 e 13 de xullo, respectivamente, en horario de 11.00 a 13.00 h. Os obradoiros levaranse a cabo na sede da entidade en Ourense (praza Maior, 4). As inscricións poden realizarse a través de www.ataquilla.com .
«Xeados e bebidas de verán» e «Imos de picnic!», ambos impartidos por Vanessa Sende, pretenden achegar os participantes ao mundo da cociña, dun modo didáctico e divertido. Así, ademais de prepararen os distintos pratos, os nenos e nenas aprenderán as normas de seguridade na cociña, como manexar os alimentos e utensilios, os hábitos recomendados de hixiene e limpeza, a importancia de consumir alimentos sans e nutritivos ou a importancia de reciclar.

Los Enemigos, no festival Sonrías Baixas 2013 de Bueu / Miguel Núñez

Cartel rockeiro de luxo no Cultura Quente 2016

Música

Un dos festivais máis veteranos de Galicia, o Cultura Quente, volve á Carballeira de Caldas de Reis os días 24 e 25 de xuño. E faino cun cartel con grandes nomes: Supersuckers, Marky Ramone, Ilegales, El Drogas e Siniestro Total son algún dos confirmados.

O Festival Cultura Quente celebrouse ininterrompidamente na Carballeira de Caldas de Reis desde 1998 ata 2011, ano en que tivo lugar a súa 14ª edición e congregou a 9.000 persoas.
Foi todo un exemplo de dinamización cultural e turística da área desta localidade pontevedresa, que ten unha poboación de 10.000 habitantes.

Doctor Queen

Doctor Queen, a banda tributo do grupo británico, regresa a Galicia

Música

O legado de Freddie Mercury, o seu espectáculo, continúa vivo grazas a Dr. Queen, a banda tributo arxentina que regresará a Galicia dentro da súa xira europea o vindeiro mes de xullo. Os concertos terán lugar en Santiago, A Coruña e Vigo.

En concreto, haberá concertos na Sala Capitol de Santiago o próximo 7 de xullo, o 8 de xullo en la Sala Playa Club de A Coruña e o 10 de xullo na Sala Rouge de Vigo. As entradas xa están á venda na web Ataquilla.com dende só 18€.
Dr. Queen fórmase no ano 2000 cando un grupo de médicos platenses deciden unir os seus talentos en homenaxe ao grupo que no seu día formaron o cantante Freddie Mercury, o guitarrista Brian May, o batería Roger Taylor e o baixista John Deacon. Jorge Bussetto, médico cardiólogo de formación, é o único membro fundador do grupo que hoxe continúa en activo, firme a un soño que os converteu na que é considerada por moitos como mellor banda tributo a Queen e que integran xunto a el na actualidade Álvaro Navarro na guitarra, Daniel Ronchetti, no baixo e Andrés Field, na batería. Hoxe, 16 anos despois, manteñen o mesmo coidado e dedicación en todos os elementos que envolven o espectáculo e todos os seus integrantes cumpren estritamente o papel asignado dentro da banda, tanto no aspecto musical como no estético. Así, o extraordinario parecido entre os catro británicos e os integrantes de Dr. Queen é un dos primeiros impactos que recibe o público.

O secretario xeral de Política Lingüística, Valentín García Gómez, e os premiados na Cidade da Cultura de Galicia a entrega dos Premios Frei Martín Sarmiento e Rec.Curta

Francisco Castro gaña por quinta vez o Premio Frei Martín Sarmiento

Letras

O escritor vigués obtivo o premio na categoría adultos. Tamén se premiou a Paula Carballeira, Xabier Frías, Xavier Estévez, Santiago Jaureguizar e Agustín Fernández Paz.

Onte venres, na Cidade da Cultura fixéronse públicos os premios Frei Martín Sarmiento que recoñecen os mellores libros ao xuízo das lectoras e lectores dos últimos dous anos. Na categoría de adultos, o libro gañador foi o de Francisco Castro, "Tes ata as 10", publicado pola Editorial Galaxia.
O premio Frei Martín Sarmiento, que o autor vigués gaña por quinta vez na súa carreira, ten a particularidade de que é concedido polas lectoras e lectores de Galicia nas diferentes categorías, polo que é un dos máis cobizados do sistema literario galego. En concreto, convocan a Consellería de Cultura, Educación e Ordenación Universitaria e a Federación Española de Relixiosos do Ensino de Galicia – Centros Católicos (Ferega-Ceca).

Espectáculo de teatro cómico de Davila e Carlos Blanco /pontevedraviva.com

"Menú de noite" con Davila e Carlos Blanco en Cangas

Música

O debuxante Luis Davila -popular polas súas tiras cómicas en Faro de Vigo e noutros medios- e Carlos Blanco -un dos actores galegos máis coñecidos, deixan (momentaneamente) a saia escocesa tras as súas actuacións en Edimburgo e Londres e póñense smóking para, como din eles, sachar como é debido.

O debuxante de Bueu e o actor arousán combinarán novamente as súas artes no auditorio municipal de Cangas do Morrazo nunha única sesió. Comezará as 20:00 horas As entradas xa están a venda en Ataquilla.com a partir de 10 euros.
Os humoristas desta volta viaxan a Broadway e prometen que “bailan (?) claqué e todo”. Con música de Budiño e Kepa Junquera os humoristas prometen “risas aseguradas (e debuxadas)” nun "xoguete escénico, un traballo a dúo onde a comedia ten finalmente a cobertura visual que nunca tivo".