(Vídeo) Así foi a gran bóla de lume que atravesou Galicia esta fin de semana
Trátase dunha Delta Leónida que tamén foi vista en Asturias, Castela e León e o norte de Portugal.
Por Galicia Confidencial | Compostela | 04/03/2024 | Actualizada ás 10:39
Unha enorme Delta leónida, ou bóla de lume, atravesou Galicia, Asturias, Castela e León e o norte de Portugal e foi vista por numerosas persoas o pasado sábado sobre as 22.00 horas.
Pouco despois a Rede de Investigación de Bólidos e Meteoritos confirmaba o avistamento tras quedar gravado na estación que ten en Navianos de Valverde, en Zamora, e apuntaba que se trataba dunha Delta Leónidas.
As Delta-Leónidas (DLE) reciben o seu nome pola proximidade da estrela delta da constelación de Leo. Foi vista por primeira vez por W. F. Denning en 1911 e trátase dunha choiva de meteoros, ou bólas de lume, que duran entre o 15 de febreiro e o 10 de marzo.
ENORME DELTA LEÓNIDA FRENTE A LA COSTA DE #ASTURIAS Y #GALICIA ANOCHE a las 21h09m55s TUC (22h09 CET). Así lo captaron dos cámaras de la estación de Navianos de Valverde, #Zamora operadas por Miguel A. Furones @MAFurones @ChaikaTeam. Pasa a nuestro listadohttps://t.co/dyrGf8tuXZ pic.twitter.com/mIfxnHOvcz
— Red Investigación Bólidos y Meteoritos (SPMN)-CSIC (@RedSpmn) March 3, 2024
