Así será a planta de hidróxeno de Vila de Cruces en zona protexida e con especies protexidas

A Xunta autorizou a declaración de impacto ambiental da futura planta de hidróxeno 'verde' no encoro de Touro, no municipio pontevedrés de Vila de Cruces, onde ocupará un espazo de máis de 300 metros cadrados na marxe esquerda do río Ulla, a uns 80 metros da presa hidroeléctrica.

Nesta resolución, asinada pola directora xeral de Calidade Ambiental, María Sagrario Pérez Casteláns, conclúese que é "ambientalmente viable", co cumprimento de diferentes condicionantes. A zona non está en espazo natural protexido, aínda que na área atópanse especies ameazadas como ra ibérica ou milano real, entre outras.

Este proxecto, promovido por Tasga Renovables, suporá a instalación compacta e prefabricada nun colector para a xeración, compresión e almacenamento de hidróxeno mediante electrolisis. A estimación de produción anual é de 67 toneladas de hidróxeno.

Conta con tres sistemas diferenciados: produción (mediante electrolisis), almacenamento e transporte, así como hidrogenera (estación de recarga de hidróxeno), isto último queda fóra do alcance do proxecto. Terá unha demanda de potencia dos 0,47 megawatts.

O hidróxeno obtido na produción será posteriormente sometido a un proceso de compresión ata alcanzar 300 bar presión por medio dun compresor de diafragma, para finalmente ser almacenado e transportado. Este almacenamento efectuarase en cilindros agrupados en gaiolas situados sobre un remolque, o que permitirá o transporte terrestre mediante a conexión a unha cabeza tractora.

Segndo a Xunta, a subministración de electricidade para a produción de hidróxeno procederá da central hidroeléctrica no salto de Touro mediante unha liña soterrada de 130 metros. O abastecemento de auga para o proceso de electrolisis realizarase cunha captación situada na parte alta da presa. Co emprego de auga purificada e desionizada haberá un rexeitamento da 50% da auga entrante no equipo, coa xeración dun efluyente que será restituído ao río Ulla, augas abaixo do encoro. Para o almacenamento dun gas de natureza inflamable, o proxecto inclúe a construción dun depósito de 75 metros cúbicos de volume.