A rede desarticulada en Galicia e Portugal fornecía motores a narcotraficantes do Esteito
Ademais de dedicarse á fabricación destas embarcacións para o transporte dos alixos de cocaína e haxix desde alto mar ata a costa, tamén se atribúe a esta rede delitos de branqueo de capitais
Por Europa Press / Redacción | Ourense | 19/04/2024 | Actualizada ás 12:00
A Garda Civil deu por pechada a operación desarollada desde o pasado mércores en Ourense, Pontevedra e o norte de Portugal e que permitiu a desarticulación dunha rede que fornecía motores de alta cilindrada que se empregaban en narcolanchas de grupos dedicados ao narcotráfico no Estreito, aos que se atribúen aprehensións de máis de 4.000 quilos de cocaína e outros 4.000 de haxix.
Este venres, a Garda Civil informou da conclusión da denominada operación 'Vodka', iniciada o pasado mércores cun amplo despregamento policial no que participaron 120 axentes de distintos corpos da Garda Civil en colaboración coa Axencia Tributaria.
O seis detidos neste operativo, no que tamén permanecen como investigados outro cinco persoas, pasarán a disposición xudicial este venres nos xulgados de Ourense, cidade na que se produciron catro dos arrestos. Os dous restantes foron na provincia de Pontevedra, un deles no Sisán, no municipio de Ribadumia.
A organización que a Garda Civil dá por desarticulada dedicábase a fornecer motores de alta potencia que grupos de narcotraficantes do sur de España usaban para os seus transportes no Estreito de Xibraltar e en augas internacionais. Ademais do tráfico de droga, as mesmas embaraciones eran usadas para o traslado ilegal de emigrantes desde África ata a península.
Entre o mércores e o xoves practicáronse sete rexistros domiciliarios, catro deles en Ourense --a maioría na propia cidade--, dúas en Pontevedra e tamén un en Portugal, en concreto, na localidade norteña de Valença de Minho.
Alí, os axentes incautáronse de 30.000 euros en efectivo, oito embarcacións, 25 motores de gran cilindrada, material náutico, radares GPS, antenas, documentación, computadores e terminais móbiles relacionados cos feitos delituosos, segundo relata nun comunicado a Garda Civil, que ofrecerá na mañá deste venres unha rolda de prensa en Ourense para ampliar a información.
BRANQUEO DE CAPITAIS
Ademais de dedicarse á fabricación destas embarcacións para o transporte dos alixos de cocaína e haxix desde alto mar ata a costa, tamén se atribúe a esta rede delitos de branqueo de capitais.
Os motores eran montados nas embarcacións no norte de Portugal e desde alí eran transportados ao sur da península, onde se empregaban para transportar drogar e tamén emigrantes desde África.
Os investigadores, dirixidos polo xulgado de instrución número 2 de Ourense e o Fiscal antidroga da provincia, conclúen que as 'narcolanchas' facilitadas pola rede galega están vinculadas a alixos intervidos no Estreito de catro toneladas de cocaína e outras tantas de haxix.
SEGUNDA OPERACIÓN DA SEMANA CONTRA LANCHEROS
A 'Vodka' foi a segunda gran operación contra grupos de lancheros do Estreito desenvolvida polas forzas da orde ao longo da semana, despois da desarticulación da considerada como maior rede de narcotransportistas do sur da península.
A operación 'Grajuela' pechouse cun total de 31 detidos, dous deles na provincia de Pontevedra, que ingresaron en prisión provisional por orde do xulgado de instrución de Sanlúcar de Barrameda tras prestar declaración vía telemática desde Cambados e Caldas de Reis.
