Por Galicia Confidencial | LUGO | 15/04/2024 | Actualizada ás 21:00
Sabedes o que é o urso? O urso é a forma na que chaman no Courel ao oso pardo, un animal en perigo de extinción na nosa comunidade que, con todo, conserva pequenas poboacións nesta zona da serra galega ao sureste da provincia de Lugo. Pero, por se aínda non o tendes claro, imos deixar que volo conten os alumnos de 3º da ESO do IES Marcos de Camballón, que saíron na procura do urso durante unha xuntanza de regueifa: o IV Encontro Intercentros de Improvisación Oral, celebrado na Pobra do Brollón e no Courel, no que conviviron o IES Alfonso VII de Caldas de Reis, o CPI Poeta Uxío Novoneyra do Courel, o IES Basanta Silva de Vilalba, o IES Río Cabe de Monforte, o CPI da Póvoa do Brollón e o IES Marco do Camballón de Vila de Cruces.
Foron dúas xornadas de conviviencia e actividades arredor do brindo, a regueifa e a poesía, con visita á casa do poeta Uxío Novoneyra en Parada do Courel incluída. Mais tamén houbo un protagonista especial: o oso do Courel, que apareceu en varias ocasións: como elemento cultural do Entroido de Salceda, na Pobra do Brollón, en entrevistas da rapazada á veciñanza da zona e no final do documentario elaborado polo alumnado do IES Marco do Camballón de Vila de Cruces.
O brindo dicía así: "Aquí estamos no Courel, natureza pura e fresca, pero hai que ter coidado por se o urso se presenta", cantaba unha das rapazas. "E nós estamos aquí, non sabedes o que é o urso, estou cantando un brindo para ver se ben o urso", chamábao outra. "Foi un longo camiño, máis xa estamos aquí, e por se escoita o urso, tamos a chamar por ti", dicía outra. "Ai, nós con esta canción, tamos a chamar por ti, ai, pero se nos escoitas, pegaremos de fuxir", confesaba unha regueifeira finalmente, intres antes de botar a correr porque, efectivamente, o urso (oso pardo) apareceu en escea, querendo pouco menos que comer a cámara.
Outro dos alumnos do IES Marco de Camballón conta a historia de que na zona do Courel, durante o Entroido, o urso é tamén "unha persoa que vai disfrazada de oso e vai pintando as caras da xente e ten os seus escravos que van cun pau, buscando a xente á que collen e despois lévana xunto ao oso e píntanlle coas cinzas que ten nun caldeiro". 'Ningún animal ou profe foi maltratado na gravación deste documentario, alerta unha mensaxe ao final do vídeo', afortunadamente.
Ver esta publicación en Instagram
¿Gústache esta noticia?Problemas cos comentarios?
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.
¿Gústache esta noticia?
- Convocado o novo programa de coproducións do Centro Coreográfico Galego
- A exposición do pintor José María Barreiro despídese da Cidade da Cultura tras recibir a máis de 20.000 visitantes
- Santiago acolle ata o vindeiro domingo a segunda parada da feira do libro que percorrerá 13 concellos galegos
- Anxo Angueira reivindica o "fondo" político e feminista de Rosalía no seu discurso de ingreso na RAG
- A cantante chilena Mon Laferte pecha o cartel de O Gozo Festival
- Como o 25 de Avril impactou en Galicia e cambiou a vida do militar Xosé Fortes e da xornalista Margarita Ledo