Por E.P. | A CORUÑA | 22/02/2024 | Actualizada ás 20:12
Unha investigación da Universidade da Coruña (UDC) sobre o uso do láser na conservación do patrimonio cultural foi premiada na convocatoria dos Iacobus.
Segundo informou a UDC, o articulo foi publicado na revista GeoHeritage baixo o título 'Building Granite Characterisation, Construction Phases, Mason's Marks and Glyptography of Nossa Senhora de Guadalupe Church, Mouçós e Lamares, Galicia-North Portugal Euroregion'.
Así, fai un estudo exhaustivo da igrexa románica Nossa Senhora de Guadalupe, no cal, a través da aplicación de diferentes técnicas petrográficas e petrofísicas, conseguiron caracterizar os diferentes tipos de granito empregados na edificación e localizar as canteiras históricas de onde os extraeron.
Ademais, mediante unha análise gliptográfica das marcas de canteiro dos perpiaños e o seu escáner láser, puideron identificar as fases construtivas da igrexa, os canteiros que participaron en cada fase e o abujardado característico que cada un deles imprimiulle.
O dispositivo de escáner láser permitiu dixitalizar o acabado superficial de cada perpiaño e a correspondente marca do canteiro que, a modo de firma, permitíalle cobrar polo traballo realizado.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.