Por Europa Press / Redacción | SANTIAGO DE COMPOSTELA | 18/12/2023 | Actualizada ás 20:30
O deputado do BNG no Congreso, Néstor Rego, trasladou a representantes da Federación Rural Galega (Fruga) o seu compromiso de defender no Congreso durante esta lexislatura un reaxuste da PAC para adaptala á realidade galega ou a desburocratización para as explotacións gandeiras.
Ademais, segundo trasladaron os nacionalistas nunha nota de prensa, tamén demandará a inclusión do sector vitivinícola galego na repartición de fondos europeos e a reforma da Lei de Cadea Alimentaria para garantir que non se produce a venda por baixo do custo de produción "e permitir a fixación de prezos con referencia a indicadores xerais que marquen organismos públicos ou estudos emanados polas universidades".
"O Goberno do Estado debe ter en conta a realidade das explotacións galegas e non pode aplicar as mesmas obrigacións ás macrogranjas que ás pequenas explotacións de pastoreo sustentable", afirmou en relación á desburocratización e a diminución das cargas para explotacións co galo do regulamento de nutrición.
Sobre a tramitación da PAC, Rego reclamará a modificación e adecuación da repartición dos fondos "para adecualas ao territorio galego e ao modelo produtivo de pequenas e medianas explotacións".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.