A Federación Ecoloxista Galega oponse á Lei do Clima por considerala "insuficiente" para acadar un país climáticamente neutro no 2050
Reclama a elaboración dun novo anteproxecto con "participación cidadá".
Por Europa Press / Redacción | SANTIAGO DE COMPOSTELA | 02/08/2023 | Actualizada ás 18:33
A Federación Ecoloxista Galega (FEG) solicitou a retirada do "insuficiente" anteproxecto da Lei do Clima, aprobado o pasado 22 de xuño no Consello da Xunta, que ten como fin que Galicia sexa "climáticamente neutra" no 2050. Na mesma liña, pediu a elaboración dun novo anteproxecto con "participación cidadá para alcanzar a neutralidade climática a través dun modelo sustentable de desenvolvemento".
A FEG sinalou importantes "deficiencias no anteproxecto, alegando que carece da concreción necesaria para ser efectivo na redución de emisións de gases de efecto invernadoiro". Ademais, expuxeron nun comunicado que o "contido normativo é insuficiente" para cumprir cos compromisos que están considerados no Acordo de París.
"O anteproxecto crea instrumentos orgánicos e ferramentas burocráticas, pero non establece medidas concretas para lograr a transición cara á neutralidade climática", expresou a FEG, que tamén acusa "a falta de accións para protexer e apoiar aos sectores máis vulnerables fronte á emerxencia climática".
