Xogos populares, baile tradicional e concertos en Manzaneda

O Concello de Manzaneda e a Asociación Cultural A Rebusca organizan un ano máis un serán para recuperar as tradicións.

Por GC Tendencias | Manzaneda | 20/04/2017

Este sábado 22 de abril a vila de Manzaneda acolle unha interesante xornada de xogos populares, baile tradicional e concertos no Campo de Bolos do Colexio e no local social da Asociación A Rebusca.

Trátase do IV Serán Vila de Manzaneda, actividade que naceu con claras intencións de recuperación e dignificación de tradicións tan nosas como son os xogos populares da billarda, a chave e os bolos celtas e tamén o baile e a música tradicional. Como cada ano aprovéitase tamén para darlle a benvida á primavera con esta xornada cultural e festiva.

Unha das novidades deste ano é a participación da Asociación Boca do Monte de Anguieiros da parroquia de Montefurado que participarán nos xogos populares e farán unha pequena demostración do xogo de bolos celtas nas terras do sur de Quiroga. As normas e forma de xogar cambian en algúns aspectos en relación a como se xoga en zonas de Ourense como Viana ou Manzaneda por exemplo.

En canto ao programa os xogos populares empezan ás 17.00 h. Xogarase un campionato de billarda, chave e bolos celtas e haberá unha pequena demostración de bolos celtas da Asociación Boca do Monte.

Para as 19.00 h. está previsto un obradoiro de baile co Centro de Cultura Popular Xaquín Lorenzo que estará acompañado por Gorxas Bravas e o grupo local Os Bertolini.

E como fin de festa ás 23.00 h. os concertos do grupo folk ourensán Coanhadeira e os Tanto nos Ten. Para rematar, repichoca brava.

As actividades serán no patio do Colexio de Manzaneda e os concertos no local social da Asociación Cultural A Rebusca, a carón do mesmo colexio.

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

1 comentario
1

xesc

Manzaneda coida a tradición. Parabéns!


Xogador tirando aos bolos

Campo de bolos de Manzaneda

Grupo Coanhadeira