"Cambio Climático: Unha oportunidade para o xardín", tema do Festival de Xardíns de Allariz 2025

Baixo o lema "Cambio Climático: Unha Oportunidade para o Xardín", o Festival Internacional de Xardíns de Allariz propón destacar como as alteracións climáticas poden ser abordadas desde o ámbito da xardinaría e o paisaxismo, promovendo así o desfrute de espazos verdes como elementos esenciais para o benestar humano. Deste xeito, búscase resaltar propostas concretas que revaloricen o paisaxismo e a xardinaría, enfocadas na innovación, o deseño, a beleza e a calidade de vida.

O Festival invita a presentar proxectos que, ademais de cumprir cos obxectivos mencionados, tamén sirvan como exemplos de boas prácticas na promoción da sostibilidade ambiental e o equilibrio ecolóxico. Os organizadores destacan a importancia de fomentar un enfoque proactivo e construtivo cara ao cambio climático, utilizando os xardíns como un medio para conectar ás persoas coa natureza e promover un estilo de vida máis consciente.

Este encontro internacional, preséntase unha vez máis como un espazo de reflexión, onde a creatividade e a colaboración únense na procura de solucións innovadoras para os desafíos contemporáneos. Invítase aos deseñadores, paisaxistas e entusiastas de todo o mundo a participar nesta celebración da beleza e a resiliencia dos xardíns en tempos de cambio climático.

Para máis información sobre como participar na XV edición do Festival Internacional de Xardíns de Allariz, pódese consultar a súa web. O prazo de inscrición estará aberto ata o 30 de novembro deste ano.