Usaban o cartón de estacionamento para persoas con mobilidade reducida dunha muller falecida

A Policía Local de Pontevedra denunciou a un matrimonio por facer uso dun cartón de estacionamento para persoas con mobilidade reducida dunha muller que falecida hai dous anos.

Segundo informou o Concello, os feitos sucederon en Semana Santa cando os axentes recibiron o aviso dun posible uso fraudulento do cartón. Os axentes retiveron o vehículo, na rúa Alfonso X, e confirmaron que os seus ocupantes, un matrimonio, facían uso deste cartón que pertencía á nai da muller.

Ante isto, a Policía Local realizou a denuncia e ordenou a retirada do vehículo ao depósito municipal coa orde de que fosen advertidos cando o propietario recollese o vehículo.

O dono presentouse no depósito e recoñeceu que descoñecía que a súa muller fixese uso do cartón da súa nai. Por todo iso, procederon a retirarlle o cartón e tramitaron a denuncia pertinente.

Imaxe de decenas de coches facendo cola na entrada dun parking completo en Vigo.