A galega Susana Rodríguez recibirá o premio Reina Letizia ao deporte
Entre outros recoñecidos está o tenista Carlos Alcaraz
Por Europa Press / Redacción | MADRID | 03/04/2024 | Actualizada ás 19:08
Os Reis de España, Felipe V e Letizia Ortiz, presidirán este xoves 4 de abril (11.30 horas) no Palacio Real do Pardo a entrega dos Premios Nacionais do Deporte de 2022, que, entre outros, recoñecerán ao tenista Carlos Alcaraz e á triatleta paralímpica Susana Rodríguez como os mellores deportistas españois.
Ao acto da entrega dos galardóns que concede o Goberno desde 1982 tamén asistirán a ministra de Educación, Formación Profesional e Deportes, Pilar Alegría, e o presidente do Consello Superior de Deportes (CSD), José Manuel Rodríguez Uribes.
Os Premios Nacionais recoñecen ás persoas e entidades que máis se distinguiron na competición ou na promoción do deporte ao longo do ano. Nesta edición, como novidade, incorpórase o Trofeo Unión Europea.
A triatleta con discapacidade visual Susana Rodríguez, actual campioa paralímpica e que en 2022 gañou o ouro mundial e europeo, recibirá o Premio Reina Letizia, mentres que o tenista murciano Carlos Alcaraz, campión en 2022 do Aberto dos Estados Unidos e que terminou ese ano como número uno do mundo, o Premio Rei Felipe. A galega é a primeira deportista con discapacidade, muller ou home, que gaña esta categoría destes galardóns.
