Por E.P. | SANTIAGO DE COMPOSTELA | 03/04/2024 | Actualizada ás 17:54
Os mariscadores e mariscadoras da ría do Burgo denunciaron a ausencia de "acondicionamento previo" para a sementeira con motivo das obras de dragado, nun informe elaborado pola Confraría de Pescadores.
Nel, analizan as obras executadas e outras aínda non terminadas nos distintos bancos marisqueiros e indican que, durante a inspección dos mesmos, detectaron que existe "incerteza" sobre a extensión exacta e a batimetría dos bancos marisqueiros.
"Non hai información sobre o tipo de sedimento final", alerta o informe que argumenta que "non se realizou o acondicionamento previo dos bancos marisqueiros, necesario para a realización da sementeira".
Ademais, sinala, en base ás análises practicadas polo técnico da Confraría, que "neste momento non é posible proceder coa realización das sementeiras", insiste tras un estudo por cada banco marisqueiro. Tamén realizan unha serie de propostas con recomendacións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.