Tres feridos tras estoupar un depósito de gas en Ourense

Tres persoas resultaron feridas este mércores pola deflagración dun depósito de gas en Ourense, que afectou ademais a varios alpendres e á vivenda lindeira.

Segundo informou o 112, o servizo tivo constancia destes feitos cando faltaban escasos minutos para as 21,30 horas da noite do mércores polas chamadas de múltiples particulares que relataban que escoitaran unha explosión e que vían como saía lume dunha vivenda da rúa de Losada Diéguez.

A pesar de que naquel momento eran incapaces de precisar se algunha persoa había resultado ferida, si confirmaban que había vivendas habitadas pola zona. Cando chegou ao lugar, o persoal sanitario confirmou que había tres persoas feridas, todas elas evacuadas en ambulancia ao hospital de referencia. Unha delas resultou ferida de consideración.

Ao mesmo tempo, os servizos de emerxencias comprobaron que o incendio do que informaban os alertadores particulares foi consecuencia dunha deflagración por acumulación de gas nun depósito situado na parte posterior dunha vivenda.

TRASLADOS AO CHUAC

Un dos homes que resultou ferido como consecuencia dunha deflagración rexistrada na noite é mércores en Ourense tivo que ser ingresado na Unidade de Queimados do CHUAC, tras un primeiro traslado ao Complexo Hospitalario Universitario de Ourense.

A explosión ocorreu sobre as 21,30 horas do mércores nunha leira da rúa Losada Diéguez de Ourense, concretamente nun predio cunha vivenda deshabitada, pero rodeada de vivendas unifamiliares.

Segundo o 112 Galicia, os servizos de Emerxencias tiveron constancia do sucedido polas chamadas de varios particulares que relataban que escoitaran unha explosión e que vían como saía lume dunha vivenda.

Os xestores do Centro Integrado de Atención a Emerxencias solicitaron a colaboración de Urxencias Sanitarias de Galicia-061, dos Bombeiros e da Policía Local de Ourense, así como dos axentes da Policía Nacional.

Como consecuencia da explosión, resultaron feridos dous homes de 38 e 43 anos de idade, e foi atendida tamén unha muller de 89 anos. Todos eles foron evacuados ao CHUO, aínda que posteriormente un dos homes, ferido grave, foi trasladado ao complexo hospitalario da Coruña.