As ordes de protección aumentan o benestar das vítimas segundo un TFG premiado pola Valedora
n canto ao empoderamento, posibilita que a muller "adquira un sentimento de capacidade e de poder antes limitado e dificultado pola relación violenta"
Por E.P. | SANTIAGO DE COMPOSTELA | 20/03/2024 | Actualizada ás 20:28
O Traballo Fin de Grao de Coral Carballedo, alumna da Universidade de Santiago de Compostela (USC), foi premiado pola Valedora do Pobo como mellor traballo en materia de violencia de xénero. Este traballo, no que se estuda o impacto das das ordes de protección baseada na súa capacidade de potenciar o benestar sicolóxico das vítimas detecta que estas teñen "capacidade de potenciar o benestar sicológico e reducen malestar sufrido polas vítimas de violencia de xénero".
Do traballo empírico, cunha mostra de 117 mulleres denunciantes de violencia de xénero, a graduada pola USC concluíu que, efectivamente, existe "un efecto directo psicolóxico beneficioso, especialmente no referido a os síntomas depresivos, no proceso de encarar ao agresor pola vía xudicial", mentres que non se atopou relación directa significativa coa sintomatología no caso das ordes de protección que poderían, "no entanto, facilitar a súa seguridade, a permanencia no proceso, o empoderamiento sicológico e o afrontamiento xudicial".
Ademais, á luz dos resultados, apunta Carballedo, o empoderamento e a xustiza terapéutica constitúen dous alicerces fundamentais. En canto ao empoderamento, posibilita que a muller "adquira un sentimento de capacidade e de poder antes limitado e dificultado pola relación violenta" que redunde na mellora das manifestacións clínicas ou subclínicas presentadas.
Sobre o paradigma da xustiza terapéutica, porque o traballo conceptúa que o proceso xudicial ten a capacidade de lograr un efecto terapéutico grazas á interacción, participación e acción dos axentes xudiciais.
A tenor diso, conclúe, "un proceso que potencie o sentido de poder e que considere que o trato dos traballadores ten un impacto positivo, pode explicar a recuperación do benestar sicológico das mulleres vítimas de violencia de xénero previamente minguado pola relación de malos tratos".
No acto, no que participou a valedora do Pobo, Dolores Fernández Galiño, tamén interveu a conselleira de Promoción do Emprego e Igualdade en funcións, Elena Rivo, quen tivo un recordo para a última vítima de violencia machista e quen reafirmou o "compromiso" da Xunta para loitar contra a violencia de xénero, "non só incidindo na atención ás vítimas, senón tamén en prevención".
