A mineira de Touro quere verter no Ulla as augas residuais industriais depuradas
Pide unha atorización para a depuración destas augas.
Por Europa Press / Redacción | SANTIAGO DE COMPOSTELA | 05/10/2023 | Actualizada ás 17:49
A Consellería de Infraestruturas e Mobilidade, a través de Augas de Galicia, somete a información pública a solicitude de autorización para a depuración das augas residuais industriais na mina de Touro.
O Diario Oficial de Galicia (DOG) publicou, este xoves, o anuncio polo que se somete ao trámite de información pública esta petición de autorización por parte da empresa explotadora Explotaciones Gallegas, S.L., que ten como obxectivo mellorar a calidade das augas acumuladas na explotación.
Desta forma, nun prazo de 30 días, contados a partir deste venres, os interesados poderán presentar as súas achegas ante Augas de Galicia. Así, do que se trata é de completar o proceso de depuración das augas residuais industriais almacenadas na talla de Vieiro, bombeadas cara a unha planta de tratamento de augas de tipo fisicoquímico en dúas fases.
O que se somete a información pública é a solicitude de autorización para un caudal máximo de 1,44 hectómetros cúbicos de augar residuais industriais depuradas ao arroio Pucheiras, na conta do río Ulla, e dun caudal máximo de 535,5 metros cúbicos ao ano de augas residuais fecais depuradas por infiltración no terreo.
O obxectivo da actuación é tratar adecuadamente os actuais pasivos da mina ata alcanzar unha mellora da calidade das augas da explotación.
