A Deputación de Pontevedra destinará a obras 3,7 millóns
Deles 1,3 serán tras unha modificación de crédito.
Por E.P. | SANTIAGO DE COMPOSTELA | 15/09/2023 | Actualizada ás 18:08
O pleno da Deputación de Pontevedra aprobou este venres destinar a obras e actuacións en distintos concellos da provincia ao redor de 3,7 millóns de euros, dos cales 1,3 millóns xurdirán dunha modificación de crédito para sacar "recursos de onde non os hai".
Así o explicou en rolda de prensa --antes do pleno-- o presidente da Deputación, Luís López (PP), quen volveu a asegurar que o goberno anterior, liderado pola socialista Carmela Silva en coalición co BNG, deixou o orzamento da institución "case esgotado" e "sen apenas marxe de manobra".
"Déronse unhas circunstancias dun gasto moi excesivo no cinco primeiros meses do ano coincidindo no período preelectoral", censurou López. Estes 1,3 millóns serán para "investir na mellora de equipamentos de infraestruturas" na provincia, subliñou o presidente. A modificación de crédito contou co voto favorable de PP e BNG, mentres que o PSdeG-PSOE abstívose.
