Probas para condutor de taxi en Santiago: como chegar dun punto a outro no menor tempo posible
O Concello de Santiago abrirá entre o 1 e o 15 de setembro o prazo de presentación de solicitudes para realizar a proba de obtención do permiso municipal de condutor de taxi. O exame terá lugar o 2 de outubro.
Por Europa Press / Redacción | SANTIAGO DE COMPOSTELA | 23/08/2023 | Actualizada ás 15:51
O Concello de Santiago abrirá entre o 1 e o 15 de setembro o prazo de presentación de solicitudes para realizar a proba de obtención do permiso municipal de condutor de taxi. O exame terá lugar o 2 de outubro.
A proba consistirá nun cuestionario por escrito no que se formularán quince preguntas: dez delas relativas aos coñecementos necesarios e cinco itinerarios nos que se facilitará un punto de saída e un de chegada, debendo seleccionar a resposta que representa o percorrido máis curto, tendo en conta os sinais de tráfico.
As persoas interesadas en realizar a proba deberán dirixir a súa solicitude á alcaldesa do Concello de Santiago, empregando o modelo dispoñible na sede electrónica do consistorio, xunto coa documentación pertinente.
