Axudas para contratar a outros 12 coidadores que protexan ao gando dos ataques do lobo
A Xunta incrementará en 216.000 o programa de axudas inicial.
Por Europa Press / Redacción | SANTIAGO DE COMPOSTELA | 03/08/2023 | Actualizada ás 20:16
A Xunta incrementará en 216.000 euros o programa de axudas para que gandeiros galegos poidan contratar a outros 12 coidadores do gando, co obxectivo de evitar ataques do lobo.
En concreto, o Goberno galego atendera inicialmente nove solicitudes por un importe de 154.000 euros. Agora, decidiu ampliar o orzamento desta liña para que poidan acceder a estes apoios as 12 que foran denegadas.
Esta circunstancia demostra, tal e como explicou o presidente da Xunta, Alfonso Rueda, a "moitísima demanda" destas subvencións ante o "problema latente" que supoñen os ataques do lobo ao gando. Calcúlase que hai en Galicia 93 mandas desta especie, segundo o censo realizado en 2021.
