Por Europa Press / Redacción | SANTIAGO | 08/07/2023 | Actualizada ás 10:52
Dúas persoas resultaron feridas despois de que o vehículo no que viaxaban saísese da vía na estrada DP-4501, ao seu paso polo municipio coruñés de Mazaricos.
Segundo trasladou o 112, pouco antes das 00.00 horas un particular informaba á central de emerxencias deste sinistro. Na súa comunicación, o alertante indicaba que o vehículo se saíu da vía no quilómetro 80 da estrada AC-400 e que un dos ocupantes atopábase ferido e atrapado no interior do coche.
Con esta información, o 112 deu aviso ao Servizo de Urxencias Sanitarias de Galicia-061, aos Bombeiros de Santa Comba, ao GES de Muros, á Garda Civil de Tráfico e a efectivos da Agrupación de Voluntarios de Protección Civil de Mazaricos.
Xa no lugar, que finalmente os servizos de emerxencias situaron na estrada DP-4501, procederon a liberar ao ferido que quedara atrapado no interior do automóbil. Con todo, os servizos sanitarios confirmaron o traslado de dúas persoas ao centro hospitalario de referencia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.