Por Europa Press / Redacción | SANTIAGO DE COMPOSTELA | 01/07/2023 | Actualizada ás 11:08
Tres persoas resultaron feridas ao saírse da vía o vehículo no que viaxaban e chocar contra unha árbore no lugar de O Castro de Cumeiro, no municipio pontevedrés de Vila de Cruces.
A consecuencia do impacto, o tres ocupantes do turismo tiveron que ser evacuados en ambulancias ata o Complexo Hospitalario Universitario de Santiago de Compostela. Os feitos sucederon minutos antes das 05,00 horas. Nese momento, os profesionais do 061 puxéronse en contacto co 112 Galicia para informar o suceso.
Cos datos achegados polos profesionais sanitarios, os operadores do Centro Integrado de Atención ás Emerxencias de Galicia (CIAE-112) deron aviso aos Bombeiros de Silleda, aos membros do GES de Lalín, aos axentes da Garda Civil de Tráfico e aos membros de Protección Civil de Vila de Cruces.
Ademais, despois da evacuación dos feridos, que estaban liberados e accesibles, os servizos de emerxencia efectuaron a limpeza da estrada para restablecer as condicións óptimas de seguridade no punto.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.