Galicia pecha o primeiro trimestre de 2023 sen xuízos por casos de corrupción
Andalucía e Madrid, con gobernos do PP, son as autonomías con máis casos por corrupción.
Por Europa Press / Redacción | Compostela | 16/06/2023 | Actualizada ás 13:59
Os xulgados e tribunais galegos pecharon o primeiro trimestre do ano sen apertura de xuízos orais ou procesamientos por casos de corrupción. Tampouco se emitiron sentenzas por delitos deste tipo, que xeraron a nivel estatal a apertura de xuízo oral ou de procesamiento contra un total de 119 persoas --85 físicas e 34 xurídicas--.
Así o revela o repositorio de datos sobre procedementos por corrupción do Consello Xeral do Poder Xudicial (CGPJ) tras a incorporación da información correspondente aos meses de xaneiro, febreiro e marzo deste ano, que tamén inclúe o número de sentenzas ditadas, que foi de 15.
Segundo explicou o órgano de goberno dos xuíces nunha nota informativa, os datos corresponden á denominada corrupción pública, entendendo que é esta a que máis altos índices de preocupación causa na cidadanía. Deste xeito, os procedementos xudiciais cuxos datos se reflicten teñen como suxeitos activos a funcionarios públicos, gobernantes e políticos no exercicio dos seus cargos, e como un dos elementos do tipo a afectación de diñeiro público, abarcando así tanto a corrupción administrativa como a corrupción política.
ANDALUCÍA, A CCAA CON MÁIS ACUSADOS
Segundo a información facilitada polo CGPJ, a comunidade autónomas con máis persoas acusadas é Andalucía, con 66 físicas e 32 xurídicas nun total de 5 procedementos. Séguelle a Comunidade de Madrid, con 10 persoas físicas e 2 xurídicas acusadas; a Comunidade Valenciana, con 8 persoas físicas; e Cataluña cunha persoa física.
