Ferrandiz: "É incrible que 50 anos despois de Franco volvamos a discursos como a conquista ou o imperio"

"Temos que os pais viven a guerra, os fillos viven a Transición e son actores políticos e os netos son os que din: 'non estamos de acordo con este esquecemento, con este silencio e deixar abandonadas estas vítimas, imos recuperalas'".Francisco Ferrandiz é antropólogo con traballos relacionados coa memoria histórica e asesora ao Goberno nesta materia. Participa no XVI Congreso de Antropoloxía que se celebra na Coruña. Fala con nós sobre a memoria histórica, a necesidade da súa recuperación e sobre todo, mantela viva durante as seguintes xeracións para non repetir os danos causados no pasado.