Unanimidade parlamentaria para pedir que a Xunta identifique as foxas de represaliados da Guerra Civil

A Cámara galega, por unanimidade de todos os grupos, acordou instar á Xunta de Galicia a aplicar a Lei de Memoria Histórica á hora de identificar as foxas comúns de represaliados durante a Guerra Civil e a posterior ditadura franquista; así como a que preste ás familias e asociacións o "apoio institucional" para a localización, exhumación e identificación de vítimas.

A iniciativa, presentada pola deputada de En Marea Carmen Santos durante a Comisión 1ª Institucional do Parlamento de Galicia celebrada este venres, saíu adiante cos votos favorables do catro grupos --PPdeG, En Marea, PSdeG e BNG--.

O Partido Popular sumouse á proposición non de lei despois de que En Marea accedese a modificar o primeiro punto da iniciativa para incluír no texto que as exhumaciones deben realizarse "de acordo ao protocolo aprobado polo Goberno do Estado".

Así, a Cámara reclama á Xunta que "garanta no ámbito das súas competencias que as exhumaciones sexan recoñecidas dentro do marco dos dereitos humanos, e non como 'achados' ou 'restos' arqueolóxicos, tal e como vén sucedendo na actualidade".

Ademais, pide que o Goberno galego garanta a aplicación da Lei de Memoria Histórica no referente á "identificación das foxas" comúns, que deben ser localizadas e preservadas "para evitar a súa deterioración ou a súa destrución ante calquera tipo de inxerencia ou proceder urbanístico".

Por último, tamén solicitan que a Administración autonómica preste "apoio institucional" ás familias e asociacións para a "localización, exhumación e identificación", algo que "na actualidade non sempre está a ocorrer", segundo recolle o último punto da proposición.

Pleno do Parlamento de Galicia. XUNTA DE GALICIA