Podemos reestrutura a súa Comisión de Garantías en Galicia tras a polémica sobre os resultados de Gómez Reino

Podemos decidiu reestruturar a súa Comisión de Garantías en pleno debate sobre unha posible manipulación dos resultados das pasadas primarias que deron a victoria a a Antón Gómez Reino fronte a Carolina Bescansa.

Na noite deste mércores, a Comisión de Garantías de Podemos Galicia reuniuse para estruturar a súa composición “de acordo coa regulamentación establecida pola Comisión de Garantías estatal de Podemos”, tal e como apuntou nun comuniado.

Desta forma, a Comisión de Garantías de Podemos Galicia queda integrada por María de la O Fernández González, como presidenta; como secretaria, Marta Díaz Marcos e como vogais, Vanessa Vidal, Bieito Cambeiro, Luis Medardo Díaz, Fernando Otero e María Otero. Segundo as fontes consultadas os novos membros son afíns á candidatura de Gómez Reino.

CRÍTICAS DE BESCANSA

Este mesmo mércores, Bescansa publicou unha mensaxe nas súas redes sociais na que pedía que a secretaría que dirixe Pablo Echenique atenda a petición efectuada pola xa ex Comisión de Garantías de Podemos Galicia a través dun ditame que foi desacreditado pola dirección galega.

Unha petición á que lle restou validez a dirección galega, xa que asegura que non existía 'quórum' na reunión na que Garantías aprobou dito ditame no que cuestiona a limpeza das primarias celebradas o pasado mes de outubro.

"A Comisión de Garantías Democráticas de Podemos solicitou a Echenique a auditoría das votacións en Galicia con sólidos argumentos. Hoxe súmome a esa petición e chamei a Gómez Reino para pedirlle que tamén o faga. Con transparencia, gaña Podemos", publicou Bescansa, que, tras perder o proceso por unha marxe de máis de 300 votos, anunciou que abandonaría o seu escano no Congreso cando concluísen as comisións parlamentarias nas que participa.

RESPALDO DA DIRECCIÓN DE PODEMOS

Con todo, a resposta dede a dirección foi modificar por completo este órgano de garantías que, tres meses logo das votacións, puxo en dúbida a limpeza do proceso no que gañou Gómez Reino, candidato afin a Pablo Iglesias.  De feito, a dirección estatal de Podemos defendeu sempre a limpeza dos procesos de votación no partido morado, xa que os resultados non son publicados ata que se realizan dúas auditorías.