O líder dos 'Miguelianos' queda en liberdade provisional á espera da sentenza

O líder da Orde e Mandato de San Miguel Arcángel, Miguel Rosendo, foi notificado este mércores de que quedará en liberdade provisional á espera da sentenza, segundo confirmou o TSXG.

O próximo 11 de decembro cúmprense catro anos da prisión provisional e o xuízo está visto para sentenza. Aínda non transcendeu se sairá de prisión inmediatamente e polo momento non se pronunciaron nin os avogados da defensa, nin a acusación particular.

A Fiscalía ratificou a súa petición de pena de 66 anos para Rosendo despois de 30 sesións do xuízo na Audiencia Provincial de Pontevedra.