Feijóo di que non é o momento de reformar o Código Penal despois da sentencia da Manada
O presidente da Xunta, non comparte a postura do ministro de Justicia e di que é partidario de primeiro "arrefriar as cousas" e "despois tomar decisións".
Por E.P. | SANTIAGO DE COMPOSTELA | 30/04/2018 | Actualizada ás 13:27
O presidente da Xunta, Alberto Núñez Feijóo, amósase partidario de primeiro "arrefriar as cousas" antes de "tomar decisións" para reformar o Código Penal, logo da sentenza de nove anos de prisión para os cinco integrantes d'A Manada' por un delito continuado de abuso sexual.
A preguntas dos medios este luns despois dun acto sobre o 'brexit' en Santiago de Compostela, Feijóo contestou: "Poñamos sensatez nisto, imos arrefriar as cousas e haberá propostas sobre iso". "Eu creo que é bo sempre na vida arrefriar e despois tomar decisións", agregou nas súas declaracións aos medios o titular do Goberno galego.
Estas declaracións de Feijóo chegan despois de que o ministro de Xustiza, Rafael Catalá, asegurase que o Goberno terá en "semanas" unha primeira proposta de reforma do Código Penal.
Noutra orde de cousas, sobre como ve o futuro do PP de Madrid após a dimisión de Cristina Cifuentes, Feijóo limitouse a asegurar: "Imos seguir traballando".
