O 20D Eleccións Xerais

Parece que o presidente esta a aproveitar ben a situación pois, de antemán, tiña premeditado non entrar apoiando militarmente a querra contra ISIS, polo menos ate que pase o 20-D. Despois veremos.  E, a apertura dun dialogo como estratexia, está a conseguir que  o Sr. Rajoy apareza  diante a opinión pública como unha persoa que escoita, valora e actúa, pois ate parece un home de Estado. 

 

Esta forma de actuar conseguiu desviar a atención dos cidadáns do que fixo o seu goberno durante este periodo de catro anos e que debera ser premiado ou castigado polos electores o 20-D.

 

Nin que dicir que, por moi duro que pareza, os feitos realizados polos terrosristas en París, estanlle a dar ós populares unha bolsa de aire, fronte unha oposición que tiña como principal argumento contra o goberno, falar de recortes e privatizacións de servizos públicos; que tiñan como principal eixo ós malos datos do emprego, a precaridade no mundo laboral e a disminución dos catos  aforrados  na bolsa da  seguridade social. Ademais de pedir  responsabilidades pola corrupción que no PP ven de moitos anos atrás. 

 

Parece logo, que non estamos e precampaña e, a día de hoxe, soamente prima falar de seguridade cidadán. Dá a impresión de que se quere seguir a rentabilizar uns feitos barbaros que a todos nos poñen os cabelos de punta, pero que parecen rendibles para evitar a perda de votos.

 

Agora cando toca falar e lembrar o acontecido nun periodo de catro anos; cando toca falar do lexislado e  das corruptelas de moitos, pero en especial a dos populares; cando toca falar de cousas concretas, pois hai que  apresentar un balance de resultados e tamén escoitar propostas, todo se agocha por mor de  non lle dicir  a verdade crúa dos datos. 

 

Alguén dixo que esta será unha  campaña baseada no medo e na inseguridade. Polo que parece, que todo vai xirar sobre varias ideas: a primeira, repetir cansinamente catro eslogáns basados en datos incomproblables; a segunda, repetir machaconamente varias verdades a medias ou si se quere mentiras ate parecer que son verdades. Por exemplo: estamos mellor que antes e saímos da crise. E treceira: non aceptar debates. E todo isto condicionado a que non haxa outro atentado dentro da UE. Estamos en vísperas electorais e a nosa democracia con estas campañas controladas dende moitos medios e guiadas polo poder establecido, perde. Logo despois do 20-D virán as sorpresas e os cabreos, pero non importa. Os electores logo esquecemos. Que lle imos facer, así é a nosa sociedade.