Identificada a empresa que deixou 1.800 quilos de metabisulfito en colectores do lixo do Deza

A Garda Civil identificou aos presuntos responsables dunha vertedura de metabisulfito sódico, un elemento que se usa como conservante e que foi depositado en sacos en distintos colectores do Deza, ata alcanzar un total de 1.800 quilos.

O Seprona da Garda Civil de Lalín recibiu o pasado 14 de abril unha denuncia interposta pola Concellaría de Medio Ambiente do Concello de Lalín, na que se informaba da aparición de sacos de 25 quilos de metabisulfito en distintos colectores urbanos.

Os axentes iniciaron a investigación e falaron con algúns veciños que observaran a persoas descargando sacos de cor branca dun camión frigorífico. Os sacos retirados, por outra banda, contiñan información de fabricante e lote, co que se puido determinar a rastrexabilidade do produto.

O metabisulfito sódico E223, apunta a Garda Civil, é un conservante que se usa para protexer os alimentos facilitando a súa conservación, ao inhibir o crecemento de bacterias e moho, ademais previr encimas e evitar a súa decoloración. En panadaría utilízase para mellorar a capacidade de amasado do pan.

A información facilitada por por o Servizo de Inspectores do Sergas levou aos axentes ás instalacións dunha empresa situada en Lalín de transformación de carne, localizando no seu interior o mesmo produto consevante e igual fabricante, ademais dun camión frigorífico do mesma cor e características, que cocincide cos datos achegados polas testemuñas das verteduras. A vertedura e depósito incontrolado deste produto ascende a 72 sacos, o que supón un total de 1.800 quilos de metabisulfito sódico.

A empresa responsable deberá xestionar a recollida dos sacos e facer entrega dos mesmos a un xestor autorizado para tratar este tipo de produtos. Polos feitos cursarase unha denuncia remitida á Consellería de Medio Ambiente da Xunta, por incumprimento á Lei de Residuos.

Arquivo - Vertido de sacos localizado en Lalín.. GARDA CIVIL - Arquivo | Fonte: Europa Press