Luísa Villalta, a homenaxeada das Letras Galegas, nos trens de Renfe

Renfe e a Consellería de Cultura, Lingua e Xuventude da Xunta asinaron un acordo de colaboración para impulsar o Día das Letras Galegas, celebrado cada 17 de maio e este ano dedicado á escritora Luísa Villalta.

Segundo explica a compañía, a imaxe da autora coruñesa destacará nos repousacabezas de diferentes trens de alta velocidade que realizan traxectos de Media Distancia e Avant entre A Coruña, Santiago e Ourense; e entre Vigo, Santiago e a cidade herculina.

Esta campaña, destaca, ten como obxectivo fomentar a cultura e a lingua galega, así como os desprazamentos en ferrocarril, "medio de transporte comprometido coa sustentabilidade ambiental, eficiente e seguro". Para iso, Renfe exporá nos seus espazos de información a viaxeiros de diferentes estacións os carteis gañadores do 'Concurso das Letras Galegas 2024', correspondente á categoría de educación secundaria.

Renfe súmase aos actos do Día das Letras Galegas cunha imaxe de Luísa Villalta | Fonte: RENFE