Extinguido o incendio forestal de Cerdedo-Cotobade, que afectou a 32,1 hectáreas

O incendio forestal que permanecía activo desde a madrugada do martes no concello pontevedrés de Cerdedo-Cotobade quedou extinguido sobre as 12,50 horas deste mércores, cunha afectación final de 32,1 hectáreas.

Segundo informou a Consellería do Medio Rural, o lume iniciouse ás 1,06 horas da madrugada do martes e para tratar de extinguilo mobilizáronse dous técnicos, 10 axentes, 24 brigadas, 11 motobombas, unha pa, dous avións e tres helicópteros. Así, do total de hectáreas calcinadas, 12 correspóndense con monte arboledo e 20,1 a raso.

A Consellería do Medio Rural lembrou que está a disposición da cidadanía o número de teléfono gratuíto 085, ao que deben de chamar en caso de detectar algún incendio forestal. Ademais, existe un teléfono anónimo e gratuíto para denunciar calquera actividade delictuosa incendiaria da que se teña sospeita ou coñecemento: 900 815 085.

Efectivos da Xunta traballan para extinguir as chamas nun incendio forestal | Fonte: Carlos Castro - Arquivo