Por Europa Press / Redacción | SANTIAGO DE COMPOSTELA | 15/03/2024 | Actualizada ás 19:53
Dúas persoas resultaron feridas na tarde deste venres na saída de vía dun camión ocorrida en Salceda de Caselas. Ambas necesitaron ser trasladada a un centro hospitalario. Ocorreu pouco despois das 13.30 horas, cando o 112 Galicia era coñecedor da saída de vía dun camión na parroquia de Parderrubias a través dunha chamada de Urxencias Sanitarias-061, que indicaba que había dúas persoas feridas pero que non estaban atrapadas.
Seguidamente, os xestores do 112 transmitiron esta información aos bombeiros do Baixo Miño, á Garda Civil de Tráfico, á Policía Local e a Protección Civil de Salceda. As dúas persoas feridas tiveron que ser trasladadas polos profesionais do 061 ata o hospital de referencia.
CHOQUE CUNHA ÁRBORE EN PADRÓN
Así mesmo, outra persoa resultou ferida na tarde deste venres en Padrón tras saírse da vía a furgoneta na que ía de copiloto e chocar contra unha árbore. A vítima tivo que ser excarcerada do vehículo.
Os feitos ocorreron ás 16.30 horas na parroquia de Carcacia. Entón, o 112 recibía a alerta por parte dun particular e activaba un operativo coa participación do 061, do GES de Padrón, dos bombeiros de Boiro, da Garda Civil, da Policía Local e de Protección Civil.
Finalmente, o GES indicou que o vehículo accidentado era unha furgoneta con dous ocupantes, pero só un deles estaba atrapado e tivo que ser trasladado a un hospital en ambulancia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.