Aproveita un permiso penal para tentar introducir droga no cárcere de Teixeiro
A Audiencia Provincial da Coruña xulgará o vindeiro xoves a un home para o que solicitan catro anos e seis meses de prisión por tentar introducir droga no cárcere de Teixeiro.
Por Europa Press / Redacción | A CORUÑA | 10/03/2024 | Actualizada ás 12:52
A Audiencia Provincial da Coruña xulgará o vindeiro xoves a un home para o que solicitan catro anos e seis meses de prisión por tentar introducir droga no cárcere de Teixeiro. Segundo o escrito de Fiscalía, os feitos sucederon o 14 de novembro de 2022 cando o acusado, tras un permiso penal, con "grave dano" á saúde pública e con "ánimo de facilitar" a súa posterior distribución a cambio de diñeiro, procurou meter droga no cárcere.
O home levaba as sustancias (cannabis, haxix, heroína e cocaína) ocultas no seu corpo e, por todas elas, podería obter un prezo final de 1.641,15 euros na súa venda ao pormenor. Os feitos son constitutivos dun delito contra a saúde pública polo que o Ministerio Público solicita catro anos e seis meses de prisión, así como unha multa de 3.000 euros (con responsabilidade persoal subsidiaria dun día de privación de liberdade por cada 100 euros impagados).
