Novo cabaleiro da Orde do Caldo de Mourente: o presidente da Deputación de Pontevedra, Luís López
Definiu o caldo de Mourente como un "símbolo da gastronomía e cultura" de Galicia.
Por Europa Press / Redacción | PONTEVEDRA | 09/03/2024 | Actualizada ás 18:39
O presidente da Deputación de Pontevedra, Luís López, definiu o caldo de Mourente como un "símbolo da gastronomía e cultura" de Galicia ao recibir a capa de novo cabaleiro da Orde do Caldo Galego. O acto celebrouse este sábado no edificio Castelao do Museo de Pontevedra e, xunto a el, recibiron esta distinción o vicepresidente da Deputación, Rafa Domínguez, o presidente de APE Galicia, José Ramón Caldas, a tenente de alcalde de Pontevedra, Eva Villaverde, a concelleira de Xestión Ambiental e Territorial de Pontevedra, María José Abilleira, e o xeneral xefe da Brigada 'Galicia VII', Alfonso Pardo de Santayana Galbis.
"Recibir esta capa, acompañado por estes ilustres veciños de capa de Pontevedra, é unha verdadeira honra. Un recoñecemento que asumo con enorme agrado e coa responsabilidade que supón para dar a coñecer as bondades dunha preparación que é moito máis que unha receita", confesou López. Neste sentido, o presidente provincial agradeceu a achega dos promotores desta festa a enriquecer a gastronomía da provincia, que é unha das "grandes fortalezas turísticas" das Rías Baixas.
