A Xunta incorpora a Iberconsa, que pechou o 2023 con 475 millóns, na Alianza Galega polo Clima
Por E.P. | VIGO | 01/03/2024 | Actualizada ás 16:14
A conselleira de Medio Ambiente, Territorio e Vivenda, Ángelez Vázquez, e o presidente de Iberconsa, Alberto Freire, selaron este venres cun acto en Vigo a incorporación da multinacional de elaboración e distribución de produtos do mar conxelados á Alianza Galega polo Clima.
Nas instalacións da empresa en Bouzas, celebrouse o acto de firma de incorporación de Iberconsa á Alianza, de maneira que se converte no socio número 116, e comprométese na loita por preservar o medio ambiente e frear o cambio climático.
Anxos Vázquez agradeceu ese compromiso, e puxo en valor as accións que o goberno galego vén desenvolvendo desde hai anos no ámbito da protección ambiental. Así, lembrou que a propia Alianza Galega polo Clima é unha iniciativa "pioneira" en España e en Europa, e que a Xunta puxo en marcha medidas como servizos de asesoramento a empresas e entidades para avanzar na "resiliencia climática", ou na correcta xestión dos residuos.
A conselleira tamén subliñou que se logrou a redución dun 34 % de gass de efecto invernadoiro desde 1990, e que Galicia é a primeira comunidade en absorción de dióxido de carbono, con 9,8 millóns de toneladas ata 2021.
ENERXÍA FOTOVOLTAICA Ou REDES BIODEGRADABLES
Mentres, Alberto Freire recalcou o compromiso de Iberconsa coa protección dos océanos e do medio ambiente, e apuntou iniciativas como o investimento en placas fotovoltaicas, de maneira que o grupo produce mediante ese sistema o 15 % da enerxía que consome.
O presidente de Iberconsa confirmou, a preguntas dos medios, que o grupo facturou o ano pasado 475 millóns de euros, cun persoal duns 4.000 traballadores por todo o mundo, dos 550 están en Galicia.
