Galicia estará este xoves en alerta amarela por temporal costeiro, con ondas de ata cinco metros
A cota de neve descenderá e situarase sobre os 800-100 metros.
Por Europa Press / Redacción | SANTIAGO DE COMPOSTELA | 28/02/2024 | Actualizada ás 13:27
Galicia estará este xoves en alerta amarela por temporal costeiro, xa que se esperan ondas que poden chegar a alcanzar entre o catro e o cinco metros. Segundo Meteogalicia, o litoral galego, salvo as Rías Baixas, tamén activará o aviso amarelo por vento do noroeste no mar con refachos de forza sete.
A comunidade quedará durante a xornada do xoves na influencia das baixas presións situadas ao norte das illas Británicas que mandarán unha fronte fría. O día comezará con ceos anubrados e con choivas, ocasionalmente de sarabia e acompañados de treboada, que perderán frecuencia e intensidade a medida que avance o día.
A cota de neve descenderá e situarase sobre os 800-100 metros, as temperaturas mínimas non terán cambios significativos e as máximas sufrirán un moderado descenso.
ALERTA LARANXA PARA O VENRES
O venres, segundo Meteogalicia, a comunidade quedará na influencia dunha profunda borrasca situada sobre Irlanda que enviará unha fronte cálida durante as primeiras horas e unha fronte fría a partir do mediodía. A cota de neve quedará sobre os 1.000 metros no norte e nos 1.300 metros no sur e o vento será moderado de compoñente oeste, con refachos forte no litoral e zonas altas.
Desta forma, ante o empeoramento da situación, a costa pasará a alerta laranxa por mar combinado do noroeste con ondas de cinco a seis metros. Así mesmo, o noroeste da Coruña, a Costa da Morte, o litoral da Coruña e a Mariña lucense estará en alerta amarela por vento, no mar, de compoñente suroeste de forza sete.
