18F.- Faraldo pide á cidadanía que "saia a votar" para que o cambio "sexa posible"

A candidata de Podemos Galicia á presidencia da Xunta, Isabel Faraldo, pediu á cidadanía que "saia a votar" para dicir que o cambio político "é posible". Así o declarou aos medios neste domingo electoral no que acudiu a votar ao Centro Social Sacra Familia na Coruña e onde lembrou "a emoción" dunha campaña "moi intensa e emocionante".

"Puxemos todo da nosa parte nun escenario moi difícil. Dixemos esas cousas que ninguén se atreve a dicir e creo que iso é o verdadeiro valor de Podemos: valentía e transformación", incidiu. A continuación, puntualizou que para que esa "valentía e transformación" pediu que os galegos "saian a participar", "saian a votar".