A Mariña lanzará en Fitur unha nova marca turística
Rivera subliña que se aposta por un modelo de turismo "sustentable e de calidade, de experiencias, con capacidade para atraer visitantes ao longo de todo o ano, que coida o patrimonio e que deixa un alto no territorio, en termos de economía e de emprego".
Por Europa Press / Redacción | LUGO | 15/01/2024 | Actualizada ás 19:12
'A Mariña, Galicia de corazón' será a campaña que se lanzará na próxima edición da Feira Internacional de Turismo (Fitur), unha iniciativa que conta co apoio da Deputación de Lugo. O deputado de Promoción Económica e Social, Pablo Rivera Capón, participou en Mondoñedo neste acto de presentación, un proposta froito do Plan de Sostibilidade Turística coa que a Mancomunidade de Concellos da Mariña guiará a súa actividade promocional.
Respecto diso, Rivera subliña que se aposta por un modelo de turismo "sustentable e de calidade, de experiencias, con capacidade para atraer visitantes ao longo de todo o ano, que coida o patrimonio e que deixa un alto no territorio, en termos de economía e de emprego". Por outra banda, ante a chegada de pélets á costa, o deputado fixo un chamamento á responsabilidade e á acción da administración que debe liderar a resposta, a Xunta: "Hai que atallar este problema porque preservar o noso mar redunda na nosa pesca, no noso turismo e no coidado do medio ambiente".
