Coñece a oferta da Rede Galega de Teatros e Auditorios para o primeiro semestre de 2024
Hai programadas máis de 350 funcións e musicais.
Por Europa Press / Redacción | SANTIAGO DE COMPOSTELA | 10/01/2024 | Actualizada ás 14:34
A Rede Galega de Teatros e Auditorio programou, para o primeiro semestre deste ano, máis de 350 funcións escénicas e musicais en 41 concellos de Galicia, e dará comezo ao seu progamación este xoves en Lugo.
Este circuíto, cofinanciado pola Xunta e polas entidades locais asociadas, conta cun orzamento duns 2 millóns de euros para 2024, destinados a contratar formacións artísticas profesionais (a maioría galegas) de teatro, música, danza, circo e maxia.
En concreto, nos primeiros seis meses do ano, actuarán máis de 130 compañías e grupos musicais. Así, haberá máis de 270 funcións teatrais, 92 deles destinadas a público familiar; haberá 34 actuacións de danza e 14 de circo, ademais de 8 espectáculos de maxia. A programación semestral complétase con 23 concertos programados nesta rede de teatros e auditorios.
A oferta inclúe sete estreas galegas, dúas deles esta semana: 'Eu, Fraude!' de Paula Pier (12 de xaneiro no Teatro Rosalía de Castro da Coruña), 'Doas' de Cali Danza (14 de xaneiro no Auditorio Gustavo Freire de Lugo), 'Cancións Amarelas, flores tristes' de Manekineko (15 de febreiro no Auditorio Municipal de Vigo), 'O dragón de ouro' de Sarabela Teatro (23 de febreiro no Teatro Principal de Ourense), 'Monstros' de Produccións Teatrais Excéntricas (24 de febreiro no Fórum Metropolitano da Coruña), 'Anoa' de Elvi Balboa (19 de abril no Teatro Rosalía de Castro da Coruña) e 'Desexo' de Talía Teatro (3 de maio na Casa da Cultura Ramón Martínez López de Boiro).
