O Ano do Xestal pecha cunha visita guiada e un concerto este xoves en Carballo
Obras de teatro, concertos e charlas foron algúns dos actos promovidos polo Concello de Carballo no último ano para lembrar a traxectoria desta figura do municipio.
Por E.P. | SANTIAGO DE COMPOSTELA | 02/01/2024 | Actualizada ás 20:08
O Ano do Xestal péchase este xoves, 4 de xaneiro, en Carballo cunha visitada guiada dramatizada con Hadrián García e un concerto do Colectivo Xestal (Xico de Cariño, Xan López e Toniño López).
Este evento contará coa presentación de Xurxo Souto. Celebrarase a partir das 19,00 horas no Pazo da Cultura, con entrada libre. Pechará así as súas portas a exposición 'O Xestal, unha vida de conto'.
Deste xeito celébrase o 31 aniversario da morte de Carlos Díaz, O Xestal, un músico e humorista autodidacta de Carballo, autor de 'Apaga o candil'. Precisamente, o pasado mes de maio máis de 1.500 nenos interpretaron esta canción na Praza do Concello carballesa.
Obras de teatro, concertos e charlas foron algúns dos actos promovidos polo Concello de Carballo no último ano para lembrar a traxectoria desta figura do municipio.
