Piden nove anos de cárcere para unha banda organizada que cometía roubos en chalés de Ames
Por E.P. | SANTIAGO DE COMPOSTELA | 16/12/2023 | Actualizada ás 16:34
Catro persoas serán xulgadas esta semana en Santiago de Compostela acusadas de formar parte dunha banda criminal dedicada a asaltos de vivendas nunha urbanización próxima á localidade de Bertamiráns, en Ames.
O xuízo, que arrinca este luns e prolongarase ata o martes na sección sexta da Audiencia da Coruña, sentará no banco a unha muller de nacionalidade colombiana e tres homes naturais de Albania para os que Fiscalía pide un total de 9 anos de cárcere por un delito continuado de roubo con forza en vivenda habitada e pertenza a organización criminal.
Segundo o escrito de acusación do Ministerio Fiscal, os procesados formaban parte dunha "estrutura organizada" enfocada a cometer asaltos en vivendas que operou na urbanización Agro do Muíño a finais do pasado ano 2022, onde cometeron, polo menos, dous roubos.
A muller alugou unha vivenda que servía de centro de operacións do grupo, no que o tres homes actuaban como brazo executor movéndose nun vehículo tamén alugado pola procesada. O tres procesados, que contan con antecedentes penais computables a efectos de reinicidencia, atópanse en prisión provisional desde decembro de 2022.
