Por Europa Press / Redacción | SANTIAGO DE COMPOSTELA | 29/11/2023 | Actualizada ás 11:13
A actividade económica galega creceu un 2,9% en setembro, en comparación co mesmo mes de 2022, o que supón unha décima máis que o aumento rexistrado en agosto, segundo o Indicador Abanca-Foro de Conxuntura Económica de Galicia.
Coa información completa do terceiro trimestre do ano, que se sitúa cun valor medio de crecemento interanual dun 2,8%, as previsións do Indicador Abanca para o cuarto trimestre son menos positivas. "Existen factores de incerteza económica que levan a pensar que o último trimestre do ano será testemuña dunha desaceleración da actividade económica galega", asegura o Foro.
No que respecta á evolución individual das variables que recolle o indicador, só catro do quince estudadas mostran un crecemento positivo, destacando o caso do índice de produción industrial, que sobe un 6%. Tamén o turismo experimentou un comportamento favorable no verán.
En sentido contrario atópanse as importacións, que caeron en setembro máis dun 25% en comparación co mesmo mes de 2022, do mesmo xeito que o transporte marítimo importacións, debido ás dificultades que experimenta o sector.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.