Por E.P. | SANTIAGO DE COMPOSTELA | 17/11/2023 | Actualizada ás 13:14
A Federación Galega de Municipios e Provincias (Fegamp) sumouse ao chamamento de Unicef Galicia para conmemorar o día Mundial da Infancia o próximo 20 de novembro e comprométense a investir máis neste sector da poboación.
Así o declarou a xunta de portavoces, que lembrou que "neste Día Mundial da Infancia é importante pór en valor os grandes logros a favor dos dereitos dos nenos e as nenas, así como o poder transformador de involucralos de maneira directa na construción dun mundo mellor".
Na declaración tamén destacaron que tanto nenos, como adolescentes, "enfróntanse aos desafíos e desigualdades do mundo", como foi o COVID-19 ou o está sendo a guerra en Ucraína. Por estes motivos, din comprometerse con "a promoción dun maior e máis eficiente investimiento na infancia".
Entre os seus obxectivos están mellorar o trato inclusivo e xusto, loitando contra a discriminación de xero; incorporar as voces infantís e adolescentes na avaliación de políticas que lles afecten; crear contornas de convivencia seguros, limpos e sustentables; e impulsar e promover os seus dereitos, especialmente en situacións de emerxencia. Ademais, de acordo cos enfoques da Garantía Infantil Europea, buscarán facilitar prestacións e servizos sociais para combater a pobreza infantil.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.