Ferida tras caer dun tellado polo que trataba de entrar na casa logo se esquecerse as chaves
Por Europa Press / Redacción | SANTIAGO DE COMPOSTELA | 12/11/2023 | Actualizada ás 11:09
Unha moza resultou ferida o concello ourensán da Rúa tras caer dun tellado cando trataba de entrar en casa ao esquecerse das chaves. Segundo informou o 112, o suceso tivo lugar ás 21,15 do sábado e a muller foi evacuada en ambulancia ao hospital comarcal de Valdeorras.
A central de emerxencias recibiu a alerta por parte dun familiar da implicada para solicitar axuda para acceder ao interior dun taller da rúa de Telesforo Ojea. A persoa indicou que a moza esqueceu as chaves de casa e tentou acceder pola terraza da vivenda a través do tellado da edificación lindeira.
A continuación, unha das placas de uralita cedeu e a afectada caeu no interior do taller polo que era necesario a actuación de medios que puidesen abrir a porta do establecemento, xa que o lugar estaba pechado.
Os xestores de emerxencias deron aviso a Urxencias Sanitarias de Galicia-061, aos Bombeiros e GES de Valdeorras. No punto, os equipos de intervención forzaron a porta do taller. No operativo tamén interviñeron a Garda Civil e Protección Civil da localidade.
