Os socialistas pontevedreses ven "machista, antisocial e antimunicipalista" o orzamento da Deputación
Nunha rolda de prensa celebrada este mércores en Pontevedra, os portavoces do PSOE, Carlos Font e Laura Iglesias, presentaron as emendas do seu grupo ao proxecto de orzamento provincial.
Por E.P. | SANTIAGO DE COMPOSTELA | 09/11/2023 | Actualizada ás 16:30
O grupo provincial do Partido Socialista cualificou de "machista, antisocial e profundamente antimunicipalista" o orzamento da Deputación de Pontevedra para 2024, que considera que supón unha "volta ao chapapote".
Nunha rolda de prensa celebrada este mércores en Pontevedra, os portavoces do PSOE, Carlos Font e Laura Iglesias, presentaron as emendas do seu grupo ao proxecto de orzamento provincial.
Con elas pretenden reverter os "machadazos ideolóxicos" que, din, o goberno provincial do Partido Popular "perpetra aos sinais de identidade que puxeron á Deputación de Pontevedra á vangarda", como foron, ao seu xuízo, as políticas de igualdade e as de mobilidade.
As emendas do PSdeG-PSOE detraen 2,1 millóns de euros do 'Plan de Acción Comunitaria' e de Cópaa Deputación de Fútbol e "devolve" eses fondos ás áreas de Igualdade, Infraestruturas e Emprego.
Ademais, cambia a estrutura interna do plan '+Provincia' para que os fondos non vaian pagar débedas a municipios do PP "endebedados ata as cellas" en lugar de financiar obras.
Font tamén criticou que o borrador das contas para o próximo ano "fulmina" a área de Memoria Democrática que, cunha redución do 28,4%, queda desprovista das liñas de axuda para restauración patrimonial e etnográfica con eliminación da simboloxía franquista. "Parece que ao PP lle gustan os xugos e as frechas", sentenciou o portavoz socialista.
Ademais, o Partido Socialista criticou a recuperación do que bautizacn como "Plan de Acción Caciquil" para "tirar polo desaugadoiro do caciquismo dous millóns de euros", á vez que censuran o incremento nas partidas para publicidade e propaganda crece.
Finalmente, os socialistas falan dun orzamento "de dereitas e rancio", porque "non aposta polos fondos europeos, nin pola cooperación interterritorial" e que, ademais, "presentouse con vergoña, escondido, como segundo prato, detrás dun logotipo".
