Un equipo da UDC analiza a predición de inundacións urbanas para reducir riscos

Un equipo da Universidade da Coruña (UDC) traballa na predición de inundacións urbanas para reducir riscos e as perdas, segundo informa.

Trátase do grupo de investigación de Enxeñaría da auga e do Medio Ambiente do Centro de Innovación Tecnolóxica en Edificación e Enxeñaría Civil.

Entre outras actividades, desenvolven, segundo informan, modelos matemáticos que axudan ás autoridades para predicir as zonas nas que se poden producir inundacións con antelación suficiente para alertar á poboación e tomar medidas.

Un dos proxectos son os sistemas de alerta temperá fronte a inundacións pluviais en contornas urbanas, financiado polo Ministerio de Ciencia e Innovación.

Imaxe de arquivo da inundación dunha estrada en Galicia.. Javier Vázquez - Europa Press