Tres menores declaran por acoso escolar por mor da denuncia dos pais dunha alumna dun centro de Ourense
Os actos cometidos serían cualificados como un delito contra a liberdade das persoas.
Por Europa Press / Redacción | SANTIAGO DE COMPOSTELA | 06/11/2023 | Actualizada ás 11:03
Tres menores de idade declararon ante a Policía Xudicial da Comandancia da Garda Civil de Ourense por mor dunha denuncia por acoso escolar a outra compañeira e que presentaron os pais da nena. Os actos cometidos serían cualificados como un delito contra a liberdade das persoas.
Segundo informou a Garda Civil de Ourense, a investigación iniciouse por mor dunha denuncia formulada polos proxenitores da alumna dun colexio da provincia. Nela, foi denunciado acoso escolar de forma verbal, illamento social, ridiculización pública e burlas no transporte escolar. Os feitos tamén foron postos en coñecemento do centro escolar que, segundo a Garda Civil, iniciou o protocolo por acoso.
