Por E.P. | SANTIAGO DE COMPOSTELA | 29/10/2023 | Actualizada ás 13:25
Unha explosión nunha cheminea na localidade pontevedresa de Cornazo saldouse sen feridos e só houbo que lamentar danos materiais.
Segundo informou o 112, os feitos sucederon ás 6,30 horas desta madrugada e foi a persoa afectada a que se puxo en contacto coa central de emerxencias.
Así, informou que lle estourou a cheminea, que non había lume, pero que a porta saíu despedida e explicou que só eran danos materiais.
O Servizo Municipal de Emerxencias explicou ao 112 que era unha cheminea de leña, que "non había moitos danos" só a cheminea en si e que tras realizar as correspondentes medicións non atoparon ningún risco.
Ata o punto desprazáronse os Bombeiros de Vilagarcía, o Servizo Municipal de Emerxencias e informaron á Policía Local e a Nacional.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.