Extinguido un incendio á beira dunha granxa de pitos en Calvos de Randín sen ningún animal afectado
As chamas chegaron a afectar a parte do recinto da granxa
Por E.P. | SANTIAGO DE COMPOSTELA | 28/08/2023 | Actualizada ás 19:40
Os equipos de emerxencias conseguiu controlar e extinguir un incendio declarado nas proximidades dunha granxa de pito, en Calvos de Randín (Ourense), sen que ningún animal resultase afectado.
Segundo informaron fontes do CIAE 112 Galicia, a alerta saltou sobre as 14,15 horas deste luns, cando se recibiu unha chamada dun particular que informaba dun lume nunha parcela dunha granxa avícola. O 112 mobilizou a efectivos do grupo de emerxencias municipal, os bombeiros de Xinzo de Limia, a Garda Civil de Ourense, Protección Civil e persoal do Distrito Forestal da zona.
Segundo a información trasladada polos bombeiros, as chamas chegaron a afectar a parte do recinto da granxa, pero a situación foi controlada e non resultou afectado ningún dos animais que estaban dentro das instalacións.
